Kryeministri Edi Rama ka “kërcënuar” fermerët duke thënë se së bashku me Ministrinë e Financave do të vendosë normë ligjore për ata që s’punojnë tokën.
“Këtë se lejon asnjë vend se toka aq sa është e jotja private, aq është dhe pasuri publike.
S’mund të lihet toka bujqësore me plehra, djerrë. Kemi nevojë edhe për sistem të ri tregjesh”, tha Rama në fjalën e tij.
“Sa shumë pika grumbullimi e përpunimi, të cilat janë të pamjaftueshme për ta cuar në 1 miliard brenda kësaj dekade eksportin bujqësor. Na tregojnë se në kaq pak vite, në krahasim me kaq shumë probleme të trashëguara, pamë që mund t’ia dalim bashkarisht. Nuk ndodh që farën ta hedhësh, të kthehesh dhe të vjelësh produktin.
Ne kemi hedhur një farë të re mbi atë llum kanalesh të bllokuara e fermerësh të lënë si në mesjetë, por ama në këmbë falë punës së tyre. Sot kemi ende toka të papunuara, por s’duhet të falim asnjë metër katror tokë bujqësore. Ndaj i kam kërkuar deputetëve të ulen bashkë me ju e të punojnë me Ministrinë e Financave për të vënë një normë ligjore që kush nuk e punon tokën, nuk mund ta lërë djerrë dhe të rrijë rehat e të thojë s’ta jap me qira, s’ia jap kujt ta punojë se dua ta rrethoj ta mbaj me plehra. Këtë se lejon asnjë vend se toka aq sa është e jotja private, aq është dhe pasuri publike. S’mund të lihet toka bujqësore me plehra, djerrë. Kemi nevojë edhe për sistem të ri tregjesh”, tha Rama.
